Ҳозирда "Севилья" таркибида ҳаракат қилаётган "Барселона"нинг собиқ аъзоси Иван Ракитич ижтимоий тармоқдаги шахсий саҳифасида Мессига раҳмат оҳангидаги хабар қолдирди.
"Сени ким бўлишингни ва қандай даражада ўйнаётганлигингни фарқи йўқ. Барибир Месси бу бошқа даража, унинг ажабтовур ҳаракатларидан завқланиб қолишинг керак. Мен бошқа топ футболчиларга ҳурматни сақлаган ҳолда айтишим мумкинки, Лео - "number one". Унинг ёнида 200 та баҳсда иштирок этганимнинг ўзи қолганлар учун катта орзу бўлса керак. Месси сенга раҳмат, - бу ерда жуда кўп нарсани ўргандим", - дейди Ракитич.
Эслатиб ўтамиз, хорватиялик "кўканорранглилар" сафига 2014 йилда "Севилья"дан келиб қўшилган бўлиб, жами 200 та ўйинда майдонга тушган.
