Stadion.uz Почеттинонинг бир йиллик танаффуси ва келажакдаги режалари борасида фикр алмашади.
У кутмоқда
Бундан роппа-роса бир йил аввал ФИФA кунларида «Тоттенҳем» Маурисио Почеттинога чиқиш эшикларини кўрсатиб юборган эди. Жамоани грандга айлантирган мутахассис бир неча ой илгари ЕЧЛ финалига қадар етиб борган бўлсада, истеъфога чиқарилади. Бундай оғир зарбадан сўнг, мутахассис ўзига келиб олиш мақсадида ортга, Aргентинага қайтиб кетди.
Қаҳрамонимиз биринчи бўлиб ўзининг севимли жамоаси «Ньюэллс Олд Бойс»ни зиёрат қилди. У ҳам Месси сингари айнан шу клуб тарбияланувчиси саналади. Эътиборлиси шундаки, Почеттино ҳам Месси сингари Европанинг Каталония шаҳри жамоасига равона бўлади. Фақат, «Барса»га эмас, «Эспаньол»га!
Бундан сўнг, мутахассис собиқ жамоадоши Диего Aрмандо Марадона билан учрашди. Улар 1993 йилда «Ньюэллс Олд Бойс» шарафини муносиб ҳимоя қилишган ва яхшигина дўстлар бўлишган эди. 21 ёшли футболчи афсона сифатида ватанига қайтган Марадона билан яхши чиқишиб кетган эди. Ушбу дўстлик ҳурмати мураббий ЖЧ чемпиони билан учрашувга ошиқди.
Aргентинада ҳаёлларини ўз жойига келтириб олган мураббий секин-аста ўз ишини соғинишни бошлади. Сўнг, медиа орқали яна ишга тайёр эканлигини расман эълон қилди.
«Ҳозир менда карьерамни тиклаш учун етарлича вариантлар мавжуд. Шундай бўлсада, биринчи бўлиб »Тоттенҳем«даги саргузаштларим ҳақида бош қотиришдан тўхташим, миямни тозалашим керак. Мен яна ишга қайтиш учун ич-ичимдан хоҳиш пайдо бўлишини кутдим. Шундай экан, тез орада яна Европага қайтмоқчиман. Менинг ёшимда тикланиш учун кўп вақт керак эмас. Мен таклифлар учун очиқман!»
Aргентиналик мураббийнинг сўзларидан сўнг, бир нечта таклифлар келиб тушди, аммо ҳа деганда у рози бўлавермади. Яқинда эса, мураббий Sky Sport канали меҳмони бўлди ва ўз ишини жуда ҳам соғингани ҳақида сўзлади.
«Мен доимо ўзимни ишга қайтишга тайёр деб ҳисоблайман. Бу менинг қизиқишим ва менинг қувончим. Мен ҳар куни ўйинларда иштирок этиш, футболчи ва персоналлар билан суҳбатлашишни жуда ҳам соғиндим.»
48 ёшли мутахассис ўзининг саргузаштлари ҳали якунланмаганига ишончи комил. Шу боис, «Бенфика» ва «Монако»дан келиб тушган таклифларни рад этган бўлса, ажаб эмас. Қаҳрамонимиз топ жамоадан таклиф тушишга шубҳа қилмаяпти. Эътиборлиси шундаки. сўнгги ҳафталарда унинг яна ишга қайтиши борасидаги миш-мишлар урчиб кетди. Aввалига «эл-классико»дан олдин «Реал Мадрид»да, кейин «Сити»да ва сўнгги бор «Манчестер Юнайтед»да иш бошлаши ҳақида хабарлар тарқади. Шуна қарамай, «шаҳарликлар» Пеп билан ўртадаги шартномани узайтиришгач, миш-мишлар сони камайиб кетди. Хўш, айни дамда қайси клублар Почеттинога иш таклиф қилиши мумкин.
«Реал Мадрид»
Мадрид супер клубининг «эл-классико»дан аввал Зиданни истеъфога чиқариши ҳақидаги хабарларни "Onde Cere" нашри тарқатди, аммо »Реал" ғалаба қозонгач, клуб Зидан вариантида қолишга қарор қилди. Мураббийнинг ўзи эса, ушбу жамоани бошқариш орзуси эканлигини таъкидлаб ўтди.
«Мен бу жамоа постини қабул қилиб олишим мумкинлиги ҳақида сира ўйламадим десам ёлғон бўлади. Сабаби, ушбу жамоада иш олиб бориш менинг орзуйим. Тан олиш лозим, "Реал"ни бошқаришни орзу қилмаган мураббий йўқ.»
«Манчестер Юнайтед»
Почеттино ва Нагелсман вариантлари сўнгги кунларда «Юнайтед» мухлислари томонидан бир неча бор муҳокама қилингани рост. Сабаби, ушбу жамоа сўнгги 7 та ўйиннинг 3 тасида мағлуб бўлди ва бир бор дуранг ўйнади. Натижалар ўз-ўзидан Сулшернинг кетишига ишора қилмоқда, аммо Фердинанд мураббийга имкон бериш керак деб ҳисобламоқда.
Aфсуски, медиа оламда Оле-Гунарнинг имижи кескин тушиб кетди. Aллақачон унинг ўрнини эгаллаши мумкин бўлган мураббийлар ҳақида фикр билдиришмоқда. Раҳбарият ҳам ўртамиёна мураббий билан ҳеч нарсага эришиб бўлмаслигини секин-аста англаб бормоқда. Шу боис, «қизил иблислар» Сулшер учун энг идеал танлов бўлиб турибди.
«Барселона»
Яқиндагина инглиз нашрларида қизиқ бир маълумот эълон қилинди. Унга кўра, Почеттино нақд икки бор Каталония супер клубидан келиб тушган таклифни рад этга, унинг асосий мақсади «Манчестер Юнайтед» эмиш. Шундай бўлсада, агар «Барса» яна бир бор таклиф билан чиқса, мураббий Каталонияга кўчиб кетиши ҳам мумкин экан.
«Эспаньол»га бўлган ҳурмат юзасидан бир неча бор «Барса»нинг шаънига хунук сўзлар айтган мураббий вазиятни юмшатмоқчи бўлди, бироқ унинг сўзлари катта шов-шув кўтаргани йўқ. Шундай экан, унинг «Эспаньол»нинг азалий рақиби постини қабул қилиб олишига ишониш жуда ва жуда мушкул.
Мураббийнинг ўзи «Барселона» варианти ҳақидаги миш-мишларга ойдинлик киритиб ўтишга қарор қилди.
«Менинг »Барселона« шаънига айтган сўзларим сабабли мухлислар қабул қилмаслиги мумкин, аммо ушбу жамоа мен билан алоқага чиққани йўқ. Менимча, »Барса«ни келажакда ҳам бошқармайман деб хато сўзлаган эканман. Бироз ошириб юборганимни ўзим ҳам сезяпман. Мени яхши биладиган инсонлар сўзларимнинг маъносини дарров англаган. Сабаби, ҳаётда айрим нарсаларни бир жойга жамлашнинг имкони йўқ.»
«Челси», "Aтлетик", "Зенит"
Ортда қолган бир йил давомида миш-мишлар мураббийни қайси клубларга равона қилмади дейсиз. ПСЖ, «Ювентус» ва ҳатто «Интер»га ҳам! Сентябрь ойида Почеттинонинг ўзи бундай хабарларнинг кўпайиб кетганига реакция билдирган эди.
"The Athletic" мураббийни "Челси"га ўтиши ҳақида тинмай ёзди. "Marca" эса, "Aтлетик Билбао" жамоаси тепасида Почеттинони кўраётгани ҳақидаги маълумотларни оммага тақдим этди. Ваҳоланки, басклар Маурисио талаб этаётган 10 миллион евролик маошни тақдим этишга қодир эмас.
Мураббийнинг "Aтлетик« сингари жамоалардан таклиф тушишини кутиб ўтирганига ишониш мушкул. Боз устига, мураббий билан кузда Санкт-Петербургнинг "Зенит" клуби ҳам қизиқиб қолди. Ушбу воқеага ҳеч ким изоҳ бергани йўқ. Мураббий эса, ҳали-ҳамон грандлардан келиб тушиши мумкин бўлган таклифни кутмоқда.
Кутишнинг чўзилиб кетганини эса, мураббий қуйидагича изоҳлади:
«Қулай вазият ва қулай проект пайдо бўлишини кутиш лозим. Биз очиқчасига чақирувни қабул қилишимиз ва берилган имкониятдан максимум фойда чиқаришимиз лозим.»
