"Пахтакор" Суперлиганинг 23-туридан ўрин олган баҳсда "Қўқон-1912"ни мағлуб этиб мудатидан аввал Ўзбекистон чемпионига айланди. "Шерлар" футболчиси Драган Черан чемпионлик ҳақида ўз фикрларини билдириб ўтди.
– Биз чемпионликни ҳимоя қилишни хоҳлагандик ва мақсадимизга эришдик. Олдинда яна Кубок баҳслари ҳам бор. Пандемия вақтида барча ўз вазифасини имкони борича адо этишга уринди. Бу мавсум аввалгиларидан анча қийинроқ ўтди. Сабаби жамоаларнинг даражаси анча ошган. Суперлигада тенг савиядаги жамоалар сони йилдан йилга кўпайиб бормоқда.
Келажагим? "Пахтакор" билан яна бир йиллик шартномам бор. Кейинги мавсум ҳам "шерлар" сафини ҳимоя қиламан. "Пахтакор" мухлисларини навбатдаги чемпионлик билан табриклайман", деди Драган.
