Дортмунднинг «Боруссия» клуби ҳужумчиси Эрлинг Холанд «Герта» (5:2) устидан Бундеслиганинг 8-тур доирасида қўлга киритилган ғалабадан сўнг жамоа бош мураббийи Люсьен Фавр билан нима ҳақида гаплашганини айтиб берди. Ушбу баҳсда норвегиялик ҳужумчи 4 та гол киритди ва 85-дақиқада алмаштириб юборилди.

«Тўғрисини айтганда, ўйиндан кейин Фавр мендан нечта гол урганимни сўради. У менга учта гол урдингми, деди. Мен эса, йўқ, тўртта, бор-йўғи тўртта, чунки сиз мени заҳирага олдингиз, дедим. Шу сабабли, мен бироз сиздан хафаман дедим», — деб Холанд ҳазиломуз тарзда жавоб қайтарди ESPN журналисти берган саволга.