АПЛнинг 9-тур доирасида бўлиб ўтган "Лидс" ҳамда "Арсенал" жамоалари ўртасидаги учрашувдан олдин мезбонлар сардори Лиам Купер майдонга қўлида планшет билан чиқиб келди.
29 ёшли шотландиялик футболчи кийиниш хонасидан майдонга чиқиб келадиган туннелда ким биландир планшетда гаплашди.
Кейинроқ маълум бўлишича, "Лидс" сардори клубнинг 13 ёшли мухлиси, айни пайтда саратон касаллиги билан курашаётган "Лидс" мухлиси Эллиот Меткалф билан суҳбатлашганлиги ҳақида Sky Sports хабар тарқатмоқда.
Эллиот доим клуб маскоти бўлишни орзу қилган. Буни қарангки, Лиам Купер ва "Make-A-Wish Foundation" хайрия жамғармаси ташаббуси билан Меткалф ўз орзусига виртуал бўлса-да етишган.
