Каталониянинг «Барселона» клуби Дортмунднинг «Боруссия»сига Усмон Дембеленинг трансфери учун маблағ тўлашда давом этмоқда.
«Кўк-анорранглилар» немис клубига 5 миллион евро тўлаб берганлиги ҳақида Kicker нашри хабар тарқатмоқда.
Франциялик футболчи «Барселона» таркибига 2017 йили 105 миллион евро эвазига кўчиб ўтганди, бонусларни ҳисобга олган ҳолда бу трансфер 148 миллион еврони ташкил қилиши мумкин. Айни пайтда каталонияликлар «Боруссия»га 130 миллион евродан кўпроқ маблағ тўлашга улгуришди.
Яқин вақтлар ичида «Барселона» яна бонусларнинг бир қисми сифатида "Боруссия"га 5 миллион евро тўлаб бериши кутилмоқда. Чунки, шартномага асосан Дембеле "Барселона"нинг расмий ўйинларида 100 марта майдонга тушса, каталонияликлар бонус тўлашлари керак бўлади. 23 ёшли франциялик футболчи шу пайтгача 83 та ўйинда майдонга тушишга улгурди.
