Kataloniyaning «Barselona» klubi Dortmundning «Borussiya»siga Usmon Dembelening transferi uchun mablag‘ to‘lashda davom etmoqda.
«Ko‘k-anorranglilar» nemis klubiga 5 million yevro to‘lab berganligi haqida Kicker nashri xabar tarqatmoqda.
Fransiyalik futbolchi «Barselona» tarkibiga 2017 yili 105 million yevro evaziga ko‘chib o‘tgandi, bonuslarni hisobga olgan holda bu transfer 148 million yevroni tashkil qilishi mumkin. Ayni paytda kataloniyaliklar «Borussiya»ga 130 million yevrodan ko‘proq mablag‘ to‘lashga ulgurishdi.
Yaqin vaqtlar ichida «Barselona» yana bonuslarning bir qismi sifatida "Borussiya"ga 5 million yevro to‘lab berishi kutilmoqda. Chunki, shartnomaga asosan Dembele "Barselona"ning rasmiy o‘yinlarida 100 marta maydonga tushsa, kataloniyaliklar bonus to‘lashlari kerak bo‘ladi. 23 yoshli fransiyalik futbolchi shu paytgacha 83 ta o‘yinda maydonga tushishga ulgurdi.
