Туриннинг "Ювентус" клуби ҳужумчиси Криштиану Роналду ЕЧЛ доирасида "Ференцварош" (2:1) клубига қарши бўлиб ўтган баҳсда гол киритди.
Шу тариқа, 35 ёшли португалиялик футболчи Европа Чемпионлар Лигаси турнирида кетма-кет 15 мавсумдан бери гол уриб келаётган футболчига айланди. У ушбу мусобақадаги биринчи голини 2006/07 йилги мавсумда "Манчестер Юнайтед" таркибида киритганди.
Эслатиб ўтамиз, Роналду ушбу турнирнинг яққол тўпурари саналади. Унинг ҳисобида 131 та гол бор. Иккинчи ўринни эса Лионель Месси эгаллаб турибди - 118 гол.
Жорий мавсумда Роналду 7 та учрашувда 9 та гол киритди ва иккита голга ассистентлик қилди.
