Европа Чемпионлар Лигаси гуруҳ босқичи 4-туридан ўрин олган "Атлетиико" ҳамда "Локомотив" (0:0) жамоалари ўртасидаги учрашувдан сўнг, "матрасчилар" бош мураббийи ўз фикрлари билан ўртоқлашди.

«Европа Чемпионлар Лигаси - бу бизга қийинчилик туғдирадиган қизиқарли турнир. Сўнгги икки учрашувда "Атлетико"нинг ғалаба қозониш учун имкониятлари етарли эди. Бугун бизга "Локомотив" дарвозаси олдида тетиклик етишмади. Дастлабки 20 дақиқа - биз фойдаланишимиз керак бўлган дақиқалар бўлди.

Рақиб дарвозабони жуда яхши ўйнади. Ҳа, биз битта гол уришга муваффақ бўлдик, афсуски, оффсайд деб голни инобатга олишмади. Ўз вазифасини ҳал қилган "Бавария"дан фарқли ўлароқ, биз ўз мақсадларимизга эришиш учун ишлашимиз керак бўлади", - деди аргентиналик мураббийи Симеоне AS нашри билан суҳбатда.

"А" гуруҳида "Бавария" 12 очкони қўлга киритиб, аллақачон плей-оффга йўл олди. Иккинчи ўринни 5 очко жамғарган "Атлетико" эгаллаб турибди. "Локомотив" эса 3 очко билан учинчи поғонани банд этиб турибди. Гуруҳнинг сўнгги ўринида Австриянинг 1 "Залцбург" клуби бир очкога эга.