Австриянинг "Зальцбург" клуби бош мураббийи Жесси Марш ЕЧЛнинг 4-тур доирасида Мюнхеннинг "Бавария" клубига қарши бўлиб ўтган ўйинда қайд этилган натижадан ҳафсаласи пир бўлганини яширмади.
"Афсус, мана шундай якун топди. "Бавария"га қарши бўлиб икки ўйинда ҳам яхши ўйин намойиш этдик, лекин жуда кўп гол ўтказиб юбордик. Ўз навбатида биз яратилган вазиятлардан фойдалана олмадик. Биз хавфли кўриндик, қарши ҳужумларда яхши вазиятларга эга бўлдик. Лекин бундай савиядаги рақибга қарши ўйинда ҳимояланиш қийин. Энди бизга "Бавария"нинг ёрдами керак. Мен уларнинг ҳимоячиси Давид Алабадан гуруҳдаги қолган икки ўйинда ғалаба қозонишларини сўрадим. У эса ҳаракат қилишларини айтди", - деди мураббийи "Бавария" матбуот хизматига.
