Мадриднинг "Реал" клуби "МЮ" ярим ҳимоячиси Бруну Фернандашга қизиқиш билдираётганлиги ҳақида Marca нашри хабар тарқатмоқда.
Нашрнинг ёзишига қараганда, 26 ёшли футболчининг трансфери борасидаги музокара январь ойида бошланади. Бироқ, бу битим "қаймоқранглилар" таркибини Иско тарк этган тақдирдагина амалга ошиши мумкин.
Португалиялик футболчи жорий мавсум АПЛда 8 та учрашувда майдонга тушди ва 6 та гол киритиб, 3 та голга ассистентлик қилди. Футболчининг тахминий нархи 80 миллион евро атрофида баҳоланмоқда.
