Лондоннинг "Челси" клуби бош мураббийи Франк Лэмпард "Лондон дербиси"да "Тоттенхем"га қарши бўладиган учрашув ҳақида фикр билдирди.

"Челси" - "Тоттенхем" ўртасидаги баҳс - муҳим ўйин, чунки бу - дерби. Бу нима эканлигини биламан.

Жамоаларнинг яхши формада эканлиги ва жадвалнинг энг юқори қисмида эканлиги кескинликни оширади. Биз юқори ўринлар учун курашамиз, шунинг учун ўйин муҳим бўлади.

Асосий рақобатчиларни мағлуб қилиш ҳар доим муҳимдир, бу ишонч учун жуда фойдали бўлиши мумкин. "Тоттенхем" жуда яхши ўйнайди. Ўтган ҳафта улар "Манчестер Сити"ни мағлубиятга учратишди, бу ғалаба уларга қандай ишонч берганини тасаввур қилишингиз мумкин.

Шу билан бирга, энди мавсумнинг бошланиши, шу сабабли, кўп ҳам чалғимаслигимиз керак. Етакчилик учун кураш олиб бораётганимиз яхши, аммо олдимизда узун йўл турибди. Мен Жозе Моуриньонинг позициясини тушунаман" - деди Лэмпард.