Ушбу рукнимиздаги энг сўнгги янгиликлар билан таништиришда давом этамиз.
«Манчестер Сити» алмаштиради
Aнглиянинг «Манчестер Сити» жамоаси келажакда Серҳио Aгуеронинг ўрнини эгаллашга қодир футболчи излашни бошлаб юборди.
“The Sun” нашрининг маълум қилишича, жамоа нишонида «Интер» ҳужумчиси Лаутаро Мартинес бор.
Милан клуби футболчини жамоада олиб қолмоқчи, аммо Лаутаро бунинг учун ўз маошини 3 баробар катталаштиришларини талаб қилмоқда.
«Интер» бошқотирмоқда
Миланнинг «Интер»жамоаси Эриксон борасида навбатдаги режани тузди.
Италия нашрларининг маълум қилишича, клуб қишда футболчини Парижнинг ПСЖ жамоасига қўйиб юбормоқчи. Бунинг учун парижликлар ҳам Aнхел Ди Марияни қўйиб юбориши лозим бўлади.
Эслатиб ўтамиз, Ди Мария аллақачон бошқа клубда тўп тепмоқчи эканлигини расман эълон қилиб бўлди.
Салаҳ нишонда
Туриннинг «Ювентус» жамоаси «Ливерпул» вингери Муҳаммад Салаҳ билан қизиқиб қолди.
Инглиз нашрларининг маълум қилишича, Турин клуби ҳужумчи учун бўлиб-бўлиб 115 миллион евро тўлаб беришни режалаштирган.
Эслатиб ўтамиз, аввалроқ «Ливерпул» Киллиан Мбаппенинг трансферини амалга ошириш учун камида битта вингерини трансферга қўйиши ҳақида маълум қилган эди.
«Барса» ишга киришди
Каталониянинг «Барселона» жамоаси «Ливерпул» билан тузган шартномаси ёзда якунланади.
Гап шундаки, Суарес ва Коутинонинг трансферларидан сўнг, томонлар ўртадаги шартнома нархи 99 миллиондан кам бўлмаган футболчиларни сотиб олиш ва сотишга келишиб олган эди.
Ушбу келишув, ёзда ўз кучини йўқотади. Шундай экан, «Барселона» Садио Мане борасида расмий таклифни ёзда жўнатиши мумкин.
«Юве» уни нишонга олди
Aнглиянинг «Манчестер Юнайтед» жамоаси ярим ҳимоячиси Дони Ван Де Бек фаолиятини Туринда давом эттириши мумкин.
Голландиялик футболчи билан «Юве» қизиқиб қолди. Футболчининг ўзи ҳам ўйин амалиётга эга бўлмаётгани учун фаолиятини бошқа жамоада давом эттириши мумкин.
Эслатиб ўтамиз, аввалроқ Ван Бастен футболчини «қизил иблислар» билан шартнома имзолаганини кескин танқид қилган эди.
