Лондоннинг «Тоттенхэм» клуби АПЛ доирасида "Челси" клубига қарши сафардаги учрашувда дурангга эришди. Ўйиндан сўнг "шпорлар" бош мураббийи Жозе Моуриньо ўз фикрларини билдирди.
«Стэмфорд Бридж»да дуранг ўйнаш - ижобий натижа, турнир жадвалининг юқори ўринида қолиш ҳам ижобий натида, лекин кийиниш хонасида футболчилар норози. Бу - фантастика! Бизда менталитет умуман ўзгариб кетди.
Улар бизни, биз уларни ҳурмат қилган ўйин бўлди. Биргина хато ҳамма нарсани ҳал қиладиган ўйин бўлди. Айнича, сўнгги 15 дақиқа.
Турнир жадвалида юқори ўринда туришимиз ёқяпти. Бу бизнинг мухлислар қаршисидаги биринчи ўйинимиз, гарчи улар 2000 нафар бўлса-да, бу улар учун катта совға. Ўтган йили қийин вазиятдан чиқиб кетдик. Агар бугун яна-да озроқ яхшироқ ўйнаганимизда, ғалаба қозонган бўлардик. Кейинги ўйинни албатта ютишимиз керак», – деди мураббий.
