Италиянинг "Наполи" клуби бош мураббийи Женнаро Гаттузо А Серия доирасида "Рома" (4:0) устидан қўлга киритилган ғалаба ҳақидаги фикрлари билан ўртоқлашди.
«Менга футболчиларимнинг ўз ишларига бўлган муносабати жуда ёқди. Агар футболчиларнинг бири хатога йўл қўйган бўлса, шериклари дарҳол бартараф этишга ҳаракат қилишди. Мен айнан ўзимизнинг футболимизни кўришни истайман.
Бундай зич тақвим билан ҳар бир учрашувга юз фоиз жисмоний тайёргарликда ёндашиш мумкин эмаслиги бизга бошидан аниқ эди. Бундай вазиятда руҳий кайфиятнинг жиҳати биринчи ўринга чиқади. Биз дуч келган барча қийинчиликларни енгишга муваффақ бўляпмиз.
Зелински ҳужумда ўйнаб "Наполи"га кўп фойда келтирмоқда. Ушбу ҳаракат биз хоҳлаган мувозанатни топишга ёрдам берди. Бу, айниқса, тўпни жуда кўп назорат қилишни истаган "Рома" га қарши ўйинда жуда муҳим эди", - деди Женнаро Гаттузо.
