Англиянинг «Манчестер Сити» клуби қишки трансфер бозорида Германиянинг «Хоффенхайм» ҳимоячис Мелайро Богарде билан шартнома имзолашга ҳаракат қилиб кўради.
"Шаҳарликлар" ушбу битимни январь ойида амалга оширишмоқчи. Богарденинг «Хоффенхайм» клуби билан имзолаган шартномаси келаси йилнинг ёзида якунланади. Шу сабабли, немис клуби ўз футболчисини текинга қўйиб юбориш ниятида эмас.
Қайд этилишича, Богардени «Милан», «Реал» ва «Барселона» клублари ҳам кузатиб келишмоқда. Transfermarkt портали 18 ёшли футболчининг трансфер нархини 2 миллион евро атрофида баҳоламоқда.
