Англиянинг "Манчестер Юнайтед" клуби бош мураббийи Оле-Гуннар Сульшер ЕЧЛ доирасида "ПСЖ"га қарши бўлиб ўтадиган ўйин ҳал қилувчи бўлишини айтди.

"Плей-оффга қанчалик тез йўл олсак, шунча яхши бўлади. Биз, албатта, гуруҳда биринчи ўринни эгаллашни хоҳлаймиз. Биз ўз услубимизга содиқ қоламиз, кескин ҳужум қилишга ва жуда кучли рақибга қарши ишончли ҳимояланишга ҳаракат қиламиз. Шунга қарамай, олдимизга эртага ғалаба қозониш ва гуруҳда биринчи ўринни эгаллаш вазифасини қўйдик.

Эдинсон Кавани майдонга тушишга тайёр. Албатта у ўзининг собиқ клубига қарши ўйнашни хоҳлайди. У ҳали ҳам ПСЖ тарихидаги энг яхши тўпурар бўлиб қолмоқда ва бу унга руҳий томондан таъсир қилади. Аммо мен аллақачон Эдинсон билан танишишга улгурганман ва бу унга куч қўшишига аминман. У ўз ишида ҳақиқий профессионал. Бугун у ўйинга мақбул ҳолатда ёндашиш учун ўз кайфияти устида ишлайди», - деди Сульшер УЕФА расмий сайти билан суҳбатда.