Ушбу рукнимиздаги энг сўнгги янгиликлар билан таништиришда давом этамиз.

Неймар Месси билан кейинги йил бирга ўйнамоқчи

Париж супер клубининг ҳужумчиси Неймар "Манчестее Юнайтед"га қарши учрашувдан сўнг, ўз фикр ва мулоҳазалари билан ўртоқлашди.

"Барчасидан кўра кўпроқ Лео билан бирга тўп суришни истайман. У билан майдонда яна бирга бўлиш орзусидаман.

У менинг ўрнимда тўп суриши мумкин эди. Лео бу ишни ортиқча муаммосиз бажарган бўлар эди. Биз бу ишни келаси мавсумда амалга оширишимиздан умидворман."

Клопп келадими?

Германия футболи раҳбарлари терма жамоа рулида "Ливерпуль" устози Юрген Клоппни кўришни истамоқда.

Bild нашрининг маълум қилишича, Лёв амалга ошираётган ишлардан немис футбол мухлисларининг кўнгли тўлмаяпти. Шу боис, тез орада мураббийлар рокировкаси амалга ошиши мумкин.

Манбанинг маълум қилишича, агар яқинлашиб келаётган Европа чемпионатида "бундестим" муваффақиятли иштирок этмаса, Клоппга расмий таклиф билан чиқилади.

Нагелсман Хедирага кўз тикди

"РБ Лейпциг" жамоаси устози юлиан Негелсман ўз интервюсида Самига бееътибор эмаслигини ошкор қилди.

"Хедира исталган жамоани кучайтиришга қодир. Ундаги улкан тажриба ва етакчилик салоҳияти бунга имкон беради. Унинг бугунги кундаги футболчилик фаолиятига назар солиш жуда аламли."

Эслатиб ўтамиз, бу мавсумда Хедира бирорта ўйинда майдонга тушгани йўқ.

Пёнтек нишонда

Италиянинг "Фиорентина" клуби Полшалик ҳужумчи Кшиштоф Пёнет билан шартнома имзолаш мақсадидан қайтгани йўқ.

"Calciomercato" нашрининг маълум қилишича, аслида, клуб ёзда Пёнтек билан алоқа чиққан, аммо уриниш омадсиз кечган эди. Эндиликда, жамоа ҳужумчи учун 30 миллион евро сафламоқчи.

Эслатиб ўтамиз, аввалроқ Кшиштоф "Милан" ва "Женоа" сафида ишончли тўп сурган.