Суперлига 26-турдан ўрин олган «Сурхон» - «Суғдиёна»(1:2) учрашувидан сўнг меҳмон жамоа бош мураббийи Улуғбек Бақоев фикрлари билан ўртоқлашди.

"Турнир жадвалининг қуйида тушунарсиз ҳолат юзага келганди. «Сурхон», «Андижон», «Бухоро» Суперлигада қолиш учун курашди. Булар ичидан ҳар қандай жамоа элитадан тушиб кетиши мумкин эди. Вазиятни билган ҳолда тайёргарлик кўрдик. Кучли олтиликка киришимиз учун ғалаба зарурлигини тушуниб тургандик. Ўйин ва бу мавсум учун барчага раҳмат айтмоқчиман. Клуб раҳбариятига ҳам миннатдорчилик билдираман. «Сурхон»ни Суперлигада қолгани билан табриклайман", — деди Бақоев.