Superliga 26-turdan o‘rin olgan «Surxon» - «Sug‘diyona»(1:2) uchrashuvidan so‘ng mehmon jamoa bosh murabbiyi Ulug‘bek Baqoyev fikrlari bilan o‘rtoqlashdi.

"Turnir jadvalining quyida tushunarsiz holat yuzaga kelgandi. «Surxon», «Andijon», «Buxoro» Superligada qolish uchun kurashdi. Bular ichidan har qanday jamoa elitadan tushib ketishi mumkin edi. Vaziyatni bilgan holda tayyorgarlik ko‘rdik. Kuchli oltilikka kirishimiz uchun g‘alaba zarurligini tushunib turgandik. O‘yin va bu mavsum uchun barchaga rahmat aytmoqchiman. Klub rahbariyatiga ham minnatdorchilik bildiraman. «Surxon»ni Superligada qolgani bilan tabriklayman", — dedi Baqoyev.