"Реал" собиқ футболчиси Икер Касильяс айни пайтда Зидан атрофида давом этиб келаётган можароларга ўз муносабатини билдирди. 

"Мен Зиданга нима учун ишончсизлик билдиришаётганликларига сира ҳам тушуна олмаяпман. Ахир клубнинг бир қатор йирик натижаларини қайд этган ва турли рекордларини янгилаган мураббий айни шу инсон бўлади. "Реал" у билан яқин йиллар ичида бир неча маротаба Европада тенгсиз деб топилди, клуб яна аввалги шонли мавқейига қайтди. Тўғри, биз ўтмиш билан яшай олмаймиз, бироқ ушбу натижалар футболчиларга ҳар бир ўйин олдидан муҳим куч бўлиб ишонч бериб туриши керак. Айни пайтдаги инқирозли даврда Зизуга истеъфо берилиши клубга ҳар қанақасига минус бўлиб ишлайди. ЕЧЛнинг муҳим ўйинлари олдидан унга сўнгги имконият бериб кўриш керак", - дейди Касильяс. 

Маълумот учун, Икер 1999-2015 йиллар оралиғида мадридликлар сафида тўп тепган.