Англиянинг "Лестер" клуби бош мураббийи Брендан Рожерс Европа Лигаси доирасида Украинанинг "Заря" (0:1) клубидан қабул қилиб олинган мағлубият ҳақида фикр билдирди.

— Учрашувда омадимиз келмади. Кўплаб имкониятларга эга бўлдик, лекин рақиб дарвозабони ўз жамоасини муқаррар голлардан сақлаб қолди. Футбочиларимга раҳмим келяпти, чунки улар бугунги ўйин учун катта куч сарф қилишганди. Қийин об-ҳаво шароитида ҳам футбочиларим гол киритиш учун вазиятлар содир этишди. "Заря"ни ғалаба билан табриклайман, лекин менинг фикримча, бугун жамоам мағлубиятга лойиқ эмасди, - Роджерснинг сўзларидан иқтибос келтирмоқда УЕФА расмий сайти.