Англиянинг "Лидс" клуби бош мураббийи Марсело Бьелса АПЛ доирасида Лондоннинг "Челси" клубига қарши "Стемфорд Бриж"да бўлиб ўтадиган ўйин ҳақидаги фикрлари билан ўртоқлашди.

«Англия чемпионатидаги ҳар бир учрашув клубимиз учун муҳим. Бизда ҳар қандай жамоаларга қарши ўйинимизда муаммоларга дуч келяпмиз ва ўйин давомида ечим излашимизга тўғри келяпти. "Челси"га қарши учрашувда биз нохуш ҳолатларга дуч келишимизга шубҳам йўқ.

Франк Лэмпард мураббий сифатида ишлаган қисқа вақт ичида аллақачон кўплаб ёш истеъдодларни очиб беришга муваффақ бўлди. Ушбу мавсум бошланишидан олдин у таркибдаги кўплаб позицияларни кучайтирди. Уларнинг харид қилган футболчилари "аристократлар" футболига қанчалик мос тушгани сезилиб турибди. Бизни жуда қизиқарли жанг кутаётганига шубҳа қилмайман", - таъкидлади Марсело Бьелса.