«Россонерилар» марказий ҳимоячиси Симон Кьернинг жароҳати жиддий бўлиб чиқмоқда ва у клубнинг олдиндаги бир нечта ўйинларини ўтказиб юбориши мумкин.

Даниялик футболчи Европа Лигаси «Селтик»ка қарши учрашувнинг 1-бўлимида сон қисмидан жиддий жароҳат олиб захирага олинган эди. Яқинда чиққан маълумотларга кўра, Кьерда мускуллар билан боғлиқ муаммо юзага келган. 1 ҳафтадан сўнг у яна қайта текширувдан ўтиши керак ва унинг қачон сафга қайтиши ўшанда маълум бўлади.

Маълумот учун Кьер миланликлар сафида жорий мавсум 12 та учрашувда майдонга тушган.