Андалусияликлар бош мураббийи Хулен Лопетеги «Ренн»га қарши баҳс олдидан куч тежаб қолишни мақсад қилган.
Хабарларга кўра, у жамоа сардори Хесус Навас ва яримҳимоячи Хоан Хорданларни Испанияда қолдириш ниятида. Мунир эл Ҳаддади эса жароҳати сабаб майдонга туша олмаслиги маълум бўлган. Шунингдек, дарвозабон Томаш Вацлик ҳам ҳали жароҳатидан фориғ бўла олмаган. Серхио Эскудеро ва Маркус Акуньяларга ҳам дам олиш имконияти берилган.
Эслатиб ўтамиз, «Севилья» Чемпионлар лигасида муддатидан аввал плей-офф йўлланмасини қўлга киритган. Баҳс эса 9 декабр санасида бўлиб ўтади.
