Туриннинг «Ювентус» клуби ҳужумчиси Пауло Дибала ўзининг жамоадаги ўринидан норози бўлмоқда. Футболчи кам ўйин амалиётига эга бўлмоқда, шу сабабли клубни январь ойида тарк этиш ниятида.

90min.com нашрининг тарқатган маълумотига қараганда, Дибаланинг агенти АПЛнинг бир қатор етакчи клублари билан алоқага чиққан. У Дибала "Ювентус" билан шартномасини узайтирмасдан туриб, АПЛнинг етакчи клубларига ўз мижозини тавсия қилди.

Дибаланинг агенти «Манчестер Юнайтед», «Тоттенхэм», «Манчестер Сити», «Арсенал», «Челси» ва «Ливерпуль» клубларига ўз мижозининг хизматларини тавсия қилди.