Франциянинг "ПСЖ" клуби бош мураббийи Томас Тухель ЕЧЛ доирасида "Истамбул" клубига қарши бўлиб ўтадиган ўйин ҳақидаги фикрлари билан ўртоқлашди.

- Вазиятимизда чиндан ҳам кўп ишлашимиз керак. Сўнгги иккита ҳал қилувчи ўйинда ўз савиямизни намойиш эта олдик. Бу ҳисоб бўйича учинчи финал ўйини. Бу баҳсда ғолиб чиқиш учун барча имкониятни ишга соламиз. Бизда доим мақсад битта — ғалаба қозониш. Ўйинда ғалаба қозониш учун жиддий тайёргарлик кўряпмиз. Агар гуруҳда биринчи ўринни қўлга киритсак, плей-оффнинг жавоб учрашувини ўз майдонимизда ўтказамиз, лекин, "ПСЖ"нинг тарихини ҳисобга оладиган бўлсак, бу осон бўлмайди. Ҳозир бор эътиборимизни "Истамбул" билан бўладиган ўйинга қаратишимиз керак. Бу - ЕЧЛ! Ушбу мусобақада оддий ўйинлар бўлмайди, — Тухелнинг сўзларидан иқтибос келтирмоқда УЕФА расмий сайти.