Ўзбекистон Кубоги нимчорак финал доирасидаги "Локомотив"га қарши баҳсда ғалабани тантана қилган АГМК чорак финалга йўлланма олди.
Тошкентда кечган баҳсда жамоамиз тўлиқ ташаббус билан ҳаракат қилди. Учрашувнинг дастлабки дақиқалариданоқ ҳужумга отланган АГМК қатор вазиятлар яратди. Беллашувнинг 22-дақиқасида Мате Ватсадзе ҳужумни унумли якунлаб, баҳсда ҳисобни очди. Танаффусга қадар бир нечта хавфли вазиятлар яратилди. "Локомотив" ҳимояси ва дарвозабон ҳужумларимизни бартараф этди. Иккинчи тайм ҳам жамоамиз ҳужумлари билан бошланди. Ўйиннинг 60-дақиқасида бурчак зарбасини амалга оширган жамоамиз рақиб дарвозасини ишғол этди. Ғофуровнинг узатмасидан сўнг Сардор Раҳмонов бош билан гол урди. Орадан 4 дақиқа ўтар-ўтмас Баҳром Абдураҳимов рақиб мудофасига босим уюштириб, тўпни олиб қўйди ва дарвозабонни доғда қолдирди. Шу тариқа АГМК Тошкентда "Локомотив" устидан йирик ғалабани тантана қилиб, Ўзбекистон Кубоги чорак финалига чиқди.
Мазкур ўйин АГМК учун Ўзбекистон Кубоги доирасидаги 45-баҳс бўлди ва 18-ғалабани тантана қилди. Жамоамиз қаторасига учинчи йил Ўзбекистон Кубоги чорак финалига йўлланма олди.
Ўзбекистон кубоги, 1/8 финал.
8 декабрь, сешанба
"Локомотив" — АГМК 0:3
Голлар: Ватсадзе (22), Раҳмонов (60), Абдураҳимов (64).
Тошкент шаҳри, "Локомотив" ўйингоҳи.
Ҳакамлар: Акобирхўжа Шукуруллаев, Сардор Нишонбоев, Аваз Абдуллаев, Аҳмаджон Эргашев
«Локомотив» (4-3-3) — 35.Жавоҳир Илёсов - 28.Шуҳрат Муҳаммадиев, 80.Фарруҳ Иброҳимов, 52.Жалолиддин Жумабоев, 37.Шерзод Файзиев (Абдумўминов, 73) - 7.Кахи Махарадзе, 8.Вадим Афонин (Алижонов, 62), 20.Ғуломҳайдар Гулямов - 77.Диёр Туропов, 10.Марат Бикмаев (Погребняк, 62), 14.Азиз Амонов (Ўлмасалиев, 73)
Захира: 14. Рустам Нартаджиев, 4.Шаҳзод Шайманов, 17.Савелий Абрамов, 26.Дилшод Комилов, 70.Шоҳжаҳон Қиличев.
АГМК (4-3-3) — 35.Валижон Раҳимов - 2.Акмал Шораҳмедов, 44.Бобур Йўлдошев (Умаров, 81), 3.Сардор Раҳмонов, 11.Мурод Тошматов - 23.Йован Жокич, 17.Санжар Турсунов (Қосимов, 74), 18.Баҳром Абдураҳимов (Жўраев, 86) - 94.Ҳусниддин Ғофуров (Аманов, 81), 21.Мате Ватсадзе (Полвонов, 74), 7.Элгужа Григалашвили.
Захира: 32.Суҳроб Султонов, 10.Шаҳзод Нурматов, 20.Мирғиёс Сулаймонов, 31.Сайдулло Раҳматов.
Огоҳлантиришлар: Жавоҳир Илёсов (30), Ғуломҳайдар Гулямов (72) - Бобур Йўлдошев (78).
Назоратчи: Марат Исмоилов
Комиссар: Лазиз Қўчқоров
