Туриннинг "Ювентус" клуби директорлари Павел Недвед ва Фабио Паратичилар А Серия доирасида "Торино" (2:1) клубига қарши ўтказилган баҳсда ҳакамларни ҳақорат қилишгани учун дисквалифиция қилинди. Бу ҳақда клуб расмий сайти хабар бермоқда.
Бош ҳакам ўйин протоколига Недвед ва Паратичи бир неча маротаба ҳақорат қилганини ёзиб қўйган. Недвед 21 декабргача четлатилди ва 10 минг евро жаримага тортилди. Паратичи эса 14 декабргача дисквалифиция қилинди.
Шунингдек, "Ювентус" заҳира дарвозабони Карло Пинсольо ҳам дисквалификацияга учради. У туринликларнинг кейинги ўйинини ўтказиб юборади.
