Жорий мавсум чемпионат доирасида АГМК сафида жами 25 нафар футболчи майдонга тушди. 15 нафар футболчи рақиблар дарвозасини ишғол қилди. Жамоа тўпурари 7та гол киритган Элгужа Григалашвили бўлди. Шунингдек, яна 17 футболчи голли узатмаларни амалга оширди. Мурод Тошматов жамоанинг энг яхши ассистентига айланди - 6 голли узатма.
Зафар Полвонов ва Санжар Турсунов 26 учрашувнинг 25тасида майдонга тушишди. Энг кўп дақиқа (2138) майдонда ҳаракат қилган футболчи Йован Жокич бўлди. Энг кам дақиқа (4) Сардор Абдунабиевга тегишли.
АГМК сафида жорий мавсум 19 нафар футболчи огоҳлантирилди ва 3 футболчи (Жокич, Жўраев, Раҳматов) майдондан четлатилди. Энг кўп сариқ карточкага (6) лойиқ кўрилган футболчи Бобур Йўлдошев бўлди. Полвонов, Эркинов, Умаров, Раҳимов, Абдулов ва Абдунабиев огоҳлантиришсиз мавсумни ўтказди.
Қуйида АГМК футболчиларининг тўлиқ статистикаси билан танишинг:
