Sky Germany нашрининг тарқатган маълумотига қараганда, Англиянинг «Манчестер Сити» клуби ўз ҳимоячиси Жоау Канселу жамоани тарк этиши мумкинлиги ҳақидаги миш-мишларга аниқлик киритди. «Шаҳарликлар» ўзининг португалиялик футболчиси борасида битта ҳам таклиф олмаган.
Гвардиола ҳимоячини сотишни ҳам, ижарага беришни ҳам ўйламаяпти. «Шаҳарликлар» футболчини камида 2021 йилнинг ёзигача ўз сафида олиб қолиш ниятида.
Жорий мавсум Канселу АПЛ доирасида 6 та учрашувда майдонга тушиб, 1 та голга ассистентлик қилди.
