Ўзбекистон профессионал футбол лигаси ноябрь ойининг 3та номинация бўйича ғолибларини эълон қилди. Эътиборли томони, барча совринлар "Насаф" вакилларига насиб этди.

Ноябрь ойининг энг яхши мураббийи сифатида "Насаф" устози Рўзиқул Бердиев тан олинди. "Аждарлар" ўтган ойда Суперлига доирасида 4та ўйинда майдонга тушиб, 2та ғалаба, битта дуранг ва битта мағлубият қайд этишди. Жумладан, қаршиликлар "Пахтакор" ва "Бунёдкор" устидан муҳим ғалабаларни қўлга киритиб, ўз тарихларида учинчи марта Ўзбекистон чемпионатида кумуш медалларга эга чиқишди.

"Насаф" ярим ҳимоячиси Марко Станоевич эса ноябрь ойида Суперлиганинг энг яхши футболчиси деб топилди. Сербиялик футболчи ўтган ойда 4та ўйинда майдонга тушиб, 2та гол урди.

Станович томонидан "Бунёдкор" дарвозасига жарима зарбасидан урилган гол ноябрь ойининг энг чиройли голи деб топилди.