«Лацио» Италия чемпионатининг жорий мавсумини барқарор ўтказа олмаяпти. Римликлар 11-тур доирасида ўз уйида «Верона»ни қабул қилиб, имкониятни бой беришди.

Биринчи бўлим сўнгида "Лацио" ҳимоячиси Лаццари ўз дарвозасини ишғол қилиб қўйди. 56-дақиқада Кайседо рақиб дарвозасини ишғол қилиб, мувозанатни тиклади. Аммо орадан 10 дақиқа ўтар-ўтмас Тамез "Верона"га ғалаба келтирувчи гол муаллифига айланди.

Вероналиклар ушбу ғалабадан кейин ўз очколарини 17тага етказиб, "Лацио"га етиб олишди ва қўшимча кўрсаткич бўйича римликлардан олдинга ўтиб олишди. Индзаги жамоаси 8-ўринга тушиб қолди.

Италия А серияси, 11-тур
Лацио – Верона 1:2 (0:1, 1:1)
Голлар: 0:1 – 45, автогол Лаццари, 1:1 – 56 Кайседо, 1:2 – 67 Тамез.
Лацио – Рейна, Пароло, Ачерби (Худт, 28), Раду, Лаццари (Фарес, 81), Акпа-Акпро (Перейра, 81), Лейва (Эскаланте, 65), Милинкович-Савич, Марушич, Кайседо (Корреа, 65), Иммобиле.
Верона – Сильвестри, Фараони, Маньяни, Давидович, Димарко, Ловато, Велозу, Сальседо (Колли, 77), Барак, Дзакканьи (Лазович, 87), Тамез (Фавилли, 69).
Огоҳлантиришлар: Акпа-Акпро (59), Кайседо (64), Рейна (68), Сальседо (74), Маньяни (77), Фарес (87), Колли (90).