Каталониянинг "Барcелона" клуби собиқ дарвозабонлар мураббийи Хуан Карлос Унсуе Лионель Месси ҳақида фикр билдирди.

- Мессида амбиция ва стрессли дақиқаларни енгиш қобилияти бор. У ўзидан энг яхши бўлишни талаб қилади ва шу сабабли атрофдагилардан - жамоадошлари, физиотерапевтлари ва мураббийлардан энг яхши нарсаларни талаб қилишни хоҳлайди. Буни эса баъзи бир жамоадошлар уддалай олмайди ва жуда кўп стрессларга олиб келади. Месси жамоани тарк этмоқчи бўлгани мен учун даҳшатли ҳолат эди, аммо клуб ва Лео ҳақида билганим учун, унинг бу қарорга келишига жуда ва жуда муҳим сабаблар борлигини тушунаман. Агар у жамоада қолса, муваффақиятга эришиш учун барча имкониятларни ишга солиши ва ўз амбицияларига содиқ қолишда давом этишига аминман, - мураббийнинг сўзларидан иқтибос келтирмоқда Goal.com портали