33 ёшли германиялик футболчи Сами Хедира Туриннинг "Ювентус" клубидан кетаётганини расман тасдиқлади.
Аввалроқ, германиялик ярим ҳимоячига Чемпионшип ва АПЛнинг бир қатор клубларидан таклифлар бўлаётгани ҳақида хабарлар тарқалганди. Хедиранинг ўз фаолиятида янги саҳифа очиш учун бошқа чемпионатга йўл олишга тайёр эканлигини тан олди.
«Янги чақирув учун тайёрман. Мен осон бўлмаган даврни бошдан кечирдим, лекин мен яна футбол ўйнашни хоҳлайман ва ҳар бир ўйинда уч очко учун кураш олиб боришни истайман. Мен буни интизорлик билан кутяпман. Айни пайтда менда куч ва қувват жуда кўп, январь ойини сабрсизлик билан кутяпман. Бу менинг асосий мақсадим», - Хедиранинг сўзларидан иқтибос келтирмоқда Tuttosport.
«Ювентус» таркибида Хедира 2015 йилдан бери ўйнаб келмоқда. У "Ювентус"га Мадриднинг "Реал" клубидан эркин агент сифатида кўчиб ўтганди.
