Каталониянинг "Барселона" клуби бош мураббийи Рональд Куман "Леванте" устидан қозонилган ғалаба ҳақидаги фикрлари билан ўртоқлашди.
«Ўйин қийин кечди. Рақиб иккинчи бўлимда ўз ўйинини кучайтирди. Ҳақли ғалабага эришдик. Уларда ҳам иккита яққол голга тортадиган вазият бўлди.
Учрашувни бешта ҳимоячи билан якунладик, чунки, натижани сақлаб қолишимиз керак эди. Ғалаба биз учун жуда муҳим. Месси ҳал қилувчи ролда ўйнади.
Ҳали Ла Лига чемпионлиги учун курашдан чиқмадик. Ўзимизга бўлган ишончни оширишимиз керак», – деди Куман.
«Барселона» айни пайтда Ла Лиганинг 8-поғонасида турибди.
