Англиянинг «Лестер» клуби бош мураббийи Брендан Рожерс АПЛ доирасида «Брайтон» (3:0) устидан қўлга киритилган ғалаба ҳақидаги фикрлари билан ўртоқлашди.

«Бугун ҳақиқий синов бўлишини билардик. Менга ўйин техника нуқтаи-назардан ёқди. «Брайтон» яхши шаклланган жамоа. Улар бизни ҳайрон қолдиришди ва 20-дақиқадан сўнг ўйин схемасини ўзгартиришга мажбур бўлдик.

Агар яхшироқ ўйнаганимизда яна 1-2 та гол киритардик. Умуман олганда ўйиндан ва қайд этилган натижадан қониқдим. Лекин ҳали ишлашимиз керак бўлган кўп нарсалар бор.

Таркибимизда кўплаб ёш футболчилар ўйнамоқда ва улар билан ишлаш ёқимли. Турнир жадвали шаклланишни бошлади», – деди Рожерс.