Италиянинг «Милан» клуби бош мураббийи Стефано Пиоли А Серия доирасида «Парма» (2:2) клубига қарши ўйинда қайд этилган дуранг ҳақида фикр билдирди.

«Биз биринчи марта керакли кайфиятга эга бўлмадик ва жуда секин ҳаракат қилдик. «Парма» қарши ҳужумларда яхши ҳаракат қилди. Биз ҳисобни эртароқ тенглаштириб олишимиз мумкин эди. Бироқ, энг асосийси жамоада кўнгил ва хоҳиш бор, бу энг асосийси.

Албатта, ғалаба қозонишни хоҳлагандик, вазиятларга эга бўлдик. «Парма» дарвозамиз томон иккита аниқ зарба йўллади, лекин ўтказиб юборилган голларда ўзимиз хатога йўл қўйдик. Габби ва Беннасерларнинг жароҳати сабаб, таркибимизда муаммолар бор», – деди Пиоли.