Туриннинг «Ювентус» клуби ҳужумчиси Криштиану Роналду Globe Soccer Awards мукофоти учун даъвогарлар рўйхатига киритилганидан хурсанд эканлигини яширмади.
Криштиану Роналду «Йил футболчиси» ва «21-асрнинг энг яхши футболчиси» совринига даъвогарлик қилмоқда.
«Йилнинг ва асрнинг энг яхши футболчилари рўйхатидан жой олганим учун ғурурланаман ва фахрланаман. Дунё футбол мухлисларининг бундай эътирофига сазовор бўлиш ҳар доим ёқимли», – деб пост қолдирди Роналду ижтимоий тармоқларда.
Globe Soccer Awards "Йил футболчиси" совринини 2011 йилдан бери топшириб келмоқда.
Криштиану Роналду бу номинацияда биринчи марта иштирок этмаяпти. У бу совринни 6 маротаба қўлга киритган.
