Англиянинг «Манчестер Сити» ва Аргентина терма жамоаси собиқ футболчиси Пабло Сабалета Лионель Мессини «Эттихад»га чорламоқда.

«Мессининг бундай вазиятга тушиб қолганидан хафаман. У буни учун «Барселона» раҳбарларини кечирмаслиги керак. Жамоа ҳозир яхши ўйнай олмаётгани кўриниб турибди. Ўйлайманки, бу Мессининг норозилиги билан боғлиқ. У «Барселона»да бахтли эмас.

Биласизми, шундай ички оламга эга бўлган ўйинчи ўзининг барча истеъдодларини юзага чиқариши учун максимал қўллаб-қувватлашни ҳис қилиши керак.

Агар Месси «Барселона»ни тарк этишга қарор қилса, унинг кейинги жамоаси «Манчестер Сити» бўлиши керак. Ўшанда «Манчестер Сити» Месси учун футболдан завқ оладиган жойга айланади. Ҳар бир футболчи Премьер-Лигада тажриба ўтказишни хоҳлайди», — деди Сабалета.