«Манчестер Юнайтед» клуби собиқ ҳужумчиси Димитар Бербатов "FIFA The Best" соврини учун финал учлигига даъвогарлар ҳақида ўз фикрини билдириб ўтди. Якуний учликка Роберт Левандовски («Бавария»), Лионель Месси («Барселона») ва Криштиану Роналду («Ювентус») киритилди.

«Месси ва Роналду финалчилар сафига киргани мени ҳайрон қолдирди. Чунки улар бунга муносиб эмасди. Ўйлашимча, совринни Роберт Левандовски қўлга киритади. Агар у ғолиб чиқмаса, адолатдан бўлмайди.

Шунингдек, жорий йилда «Олтин тўп»нинг топширилмаслик адолатдан бўлмади. Чунки Роберт кўпчилик учун фаворит эди. Умид қиламан, ФИФА совринини у қўлга киритади. Мазкур соврин у учун компенсация вазифасини ўтайди», – деди Бербатов.