Москванинг «Спартак» клуби раҳбарияти яқин соатлар ичида жамоа бош мураббийи Доменико Тедеско билан ҳамкорликни тўхтатиш вариантини кўриб чиқишмоқчи. Аввалроқ, германиялик мутахассис клуб билан шартномасини узайтирмаслигини маълум қилган эди.
«Спорт-экспресс» нашрининг тарқатган маълумотига қараганда, германиялик мутахассис «қизил-оқлар» сафини Янги йил байрамигача тарк этиши мумкин. Клуб ва бош мураббий ўртасида тузилган шартнома 2021 йилнинг ёзигача амал қилади.
Тедеско қўл остида "Спартак" 35 очко жамғарди ва турнир жадвалининг иккинчи поғонасида боришмоқда. "Спартак" биринчи ўринда бораётган "Зенит"дан олти очко ортда бормоқда.
