The Athletic нашрининг тарқатган маълумотига қараганда, "МЮ"нинг 33 ёшли дарвозабони Серхио Ромеро фаолиятини Испанияда давом эттириши мумкин.

Айни пайтда у Испания клубларининг бири билан музокара олиб бормоқда. Агар музокаралар ижобий якун топадиган бўлса, аргентиналик дарвозабон "МЮ" билан шартномаси якунига етгуничага Испания клуби сафида ижара асосида ўйнаб туради.

Аргентиналик дарвозабонга АҚШнинг «Интер Майами» клуби қизиқиш билдирганди, бироқ, америкаликлар Ромерони «МЮ»даги маошини (Ромеро ҳафтасида 100 минг фунт маош олади - таҳририят) тўлаб бера олмасликларини билдирди.

Ромеро «Манчестер Юнайтед»нинг АПЛ ва ЕЧЛдаги рўйхатига киритилмаган, бироқ асосий таркиб билан машғулот олиб бормоқда ва ўзининг яхши спорт формасига кириб олган.

Ёзги трансфер бозорида Ромеро «Эвертон»га ижара асосида кўчиб ўтишга яқин турганди, лекин «МЮ» рақибнинг кучайишини хоҳламаганлиги сабабли, бу таклифга рад жавоб берганди.