ФИФА версиясига кўра 2020 йилнинг энг яхши мураббийи соврини учун ўтказилган сўровнома натижалари эълон қилинди.
"The Best" танловида Юрген Клопп («Ливерпуль») ва Ханс-Дитер Флик («Бавария») бир хил очко тўплашди — 24тадан. Терма жамоалар бош мураббийлари кўпроқ Клоппга овоз беришгани учун ғолиблик унга тақдим этилди.
Қоидага кўра, терма жамоалар бош мураббийлари, сардорлари, ОАВ вакиллари ва мухлислар ўртасидаги ўтказилган сўровномада эгаллаган ўринларига қараб дастлабки 3та ўринни эгаллагани учун мос равишда 7, 5 ёки 3 балл берилади.
"Ливерпуль" устози мураббийлар ва футболчилар овозлари орқали 7 баллдан, ОАВ ва мухлислар ёрдамида 5 баллдан тўплади. Жами — 24 балл.
Флик эса, аксинча, мураббийлар ва сардорлардан 5 балл, мухлислар ва журналистлар ёрдамида эса 7 баллдан олишга муваффақ бўлди. Жами — 24 балл.
«Лидс» бош мураббийи Марсело Бьелса ҳисобида 11 очко тўпланди.
