Неаполликларнинг шифокорлар штаби жамоанинг жароҳатдаги футболчилари ҳақида сўнгги маълумотларни берди.
Унга кўра, нигериялик ҳужумчи Виктор Осимҳем анча олдин елка қисмидан олган жароҳидан фориғ бўлиб, ҳозирда енгил терапия курсларини ўтамоқда. У 3 январда «Наполи»нинг «Каляри»га қарши ўйинида майдонга тушиши мумкин.
Жамоанинг бельгиялик футболчиси Дрис Мертенс эса тўпиғидан олган жиддий жароҳати сабаб ҳозирда Антверпенда даволанмоқда. Италияга эса қачон етиб келиши номаълум. Лекин "Calciomercato" хабарига кўра у 20 январь куни «Ювентус»га қарши ўтадиган суперкубок ўйинида майдонга тушиши кутиляпти.
