Италиянинг «Сампдория» клуби ярим ҳимоячиси Антонио Кандрева яқинда жамоа бош мураббийи Клаудио Раньери билан тортишиб қолгани учун жамоанинг машғулотларидан четлатилганди. Бу ҳақда La Gazzetta dello Sport нашри хабар бермоқда.

Tuttomercatoweb нашрининг тарқатган маълумотига қараганда эса, Кандрева ўз жамоадошлари билан Раньерига узун хабар юборган ва унда кечирим сўраган. Энди футболчи жамоанинг умумий машғулотларига қайтиши мумкин, бироқ, унинг келажаги ҳозирча номаълум бўлиб турибди. Барча масалага Кандрева ва Раньери ўртасидаги учрашув ойдинлик киритади.