«Барселона» бош мураббийи Роналд Куман Испания Ла лигасининг 14-тури доирасида бўлиб ўтган «Валенсия»га қарши ўйин (2:2) борасида ўз фикрини билдириб ўтди.

«Қийин ўйин бўлди. Биз ҳисобда олдинда бораётиб вазиятдан чиқиб кетдик, аммо баҳс охирига қадар концентрацияни сақлаб қолишимиз керак. Бизда вазиятлар бўлди, аммо эътибор етишмади.

Рақиб яхши ҳимояланди. Биз иккинчи бўлимда баҳс тақдирини ҳал қилишга ҳаракат қилдик, лекин кўп имкониятларга эга бўлмадик. Биз бир текис ўйин намойиш эта олмадик, хавфли ҳудудларда тўпни йўқотдик.

Муаммо ишга бўлган муносабатда бўлди, деб ўйламайман. Биз одатдагидек ўйин намойиш эта олмадик, тўпни кўп йўқотдик. Жамоада қандайдир шубҳа бор эди. Бунга ёш футболчиларнинг ҳали улғаймагани ҳам қисман таъсир қилмоқда.

Бугун дуранг ўйнаганимиз асосий муаммо эмас. Биз бунгача 4-5та учрашувда мағлубиятга учрагандик, дуранг эса вазиятни мураккаблаштирди.

Де Йонг кеча машғулот пайтида ўзини ноқулай ҳис қилганди, шунинг учун уни илк дақиқалардан эмас, танаффусдан кейин майдонга туширдим. Бускетс ёмон ўйнагани учун эмас, ўйинга ўзгартириш киритиш мақсадида унинг ўрнига Френкини туширдим», – деди Куман.