Лондоннинг «Арсенал» клуби Премьер-лиганинг 14-тури доирасида «Эвертон»га қарши баҳс олиб борди ва мағлубиятга учради (1:2).
Бу билан «кононирлар» кетма-кет тўртта учрашувдан бери очко йўқотишмоқда. Ушбу мағлубиятдан кейин уларнинг очколари сони 14 талигича қолди ва клуб 74-75 йилги мавсумдан бери энг ёмон натижасини қайд этди. Ўшанда «тўпчилар» Рождествогача 12 очко тўплаб, атиги 3 ўйинда ғалаба қозонишган эди холос. Лондонликлар ўша мавсумни 16-поғонада якунлашган эди.
Эслатиб ўтамиз, айни дамда «Арсенал» турнир жадвалида 14 очко тўплаган ҳолда 15-ўринда боришмоқда.
