«Манчестер Сити» етакчилардан бири Кевин Де Брюйне ўз услубида тенгсизлик намойиш этмоқда.

У кеча жамоасининг «Соутгемптон» билан кечган баҳсида (1:0) Стерлингнинг ягона голига ассист берди. Бу билан футболчи ўзининг жорий йил амалга оширган узатмалари сонини 15 тага етказиб олди ва энг яқин таъқибчисидан 3 та кўп кўрсаткич қайд этмоқда.

Маълумот учун бельгиялик футболчи ҳали шахсий рекордига етолганича йўқ. У 2017 йили 18 та ассистни амалга оширган.

Эслатиб ўтамиз, жорий мавсум Премьер-лигада бу борада энг яхши кўрсаткич Ҳарри Кейнга тегишли бўлиб турибди. Унинг ҳисобида 10 та аниқ узатма мавжуд.