Ҳамюртимиз тўп сураётган Италиянинг «Женоа» клуби бош мураббийи Роландо Маран истеъфога чиқарилди.
Клуб матбуот хизматининг хабар беришича, жамоа раҳбарияти унинг сўнгги ўйинлардаги фаолиятидан қониқиш ҳосил қилмаган. Эндиликда унинг ўрнини икки йил аввал ушбу клубда ишлаган Давиде Баллардини эгаллайди.
Маълумот учун «Женоа» сўнгги 12 та ўйиндан буён ғалаба нималигини билмай келмоқда. Улар 13 турдан сўнг турнир жадвалида 19-поғонани банд этиб туришибди.
Эслатиб ўтамиз, Маран клубга ўтган ёзда Давиде Никола ўрнига тайинланган эди.
